2020-ci ildə Gürcüstan iqtisadiyyatının 6% azalacağı gözlənilir.
APA-nın Gürcüstan bürosu xəbər verir ki, bu barədə Dünya Bankının "Global Economic Prospects" hesabatında deyilir.
Qeyd olunub ki, ölkə iqtisadiyyatı 2021-ci ildə yaxşılaşmağa başlayacaq və il sonunadək 4% böyüyəcək. Dünya Bankı 2022-ci ildə Gürcüstan iqtisadiyyatının 6% böyüyəcəyini proqnozlaşdırıb.
Hesabatda qeyd olunub ki, qlobal pandemiya Avrozona ilə ticarət və maliyyə sahəsində sıx əlaqələri olan, həmçinin xidmət sənayesi və turizmdən asılı olan ölkələrə ciddi zərbə vurub.