Dünya Bankının region üzrə dərc etdiyi yeni proqnozlarına əsasən, bu il Türkiyə iqtisadiyyatı 0,5%, 2021-2022-ci illərdə isə stabil 4% səviyyəsində artacaq.
"APA-Economics"in banka istinadən verdiyi məlumata görə, 2020-ci ildə ölkədə inflyasiya ötənilki 15,8% səviyyəsindən bu il 11%-ə, gələn il isə 9%-ə enəcək. 2022-ci ilə bank tərəfindən verilən proqnozda ölkədə inflyasiya səviyyəsi 8,5% olacağı gözlənilir. Karbohidrogen qiymətlərinin enməsi inflyasiyanı mülayimləşdirə bilər, lakin lirənin məzənnəsinə olan təzyiqlər davam edəcək.
Qeyd edək ki, Dünya Bankının proqnozlarına görə, bu il gözlənilən ÜDM-in 0,5%-lik artımı hökumətin güclü dəstəyi sayəsində baş verəcək. Bununla yanaşı, ölkədə investisiya qoyuluşunun azalması və turizm sektorunun çökməsi realdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
