FAO: Yanvarda qlobal ərzaq qiymətlərinin artımı davam edib

FAO: Yanvarda qlobal ərzaq qiymətlərinin artımı davam edib
  • Clock-gray 14:58
  • calendar-gray 04 Fevral 2021

Dünya ərzaq məhsullarının qiymət indeksi yanvar ayında 4,3% artaraq 113,3 bəndə çatıb. Bu, ardıcıl olaraq səkkizaylıq artımdan başqa, həm də 2014-cü ilin iyul ayından bəri ən yüksək aylıq göstərici kimi qeydə alınıb.

"APA-Economics"in məlumatına görə, bu barədə BMT-nin Qida və Kənd Təsərrüfatı Təşkilatının (FAO) hesabatında deyilir.

Ötən ilin dekabr ayı ilə müqayisədə FAO-nun taxıl qiyməti indeksi 7,1% artaraq 124,2 bəndə çatıb. Qlobal qarğıdalı qiymətləri təkcə yanvarda 11,2%, 2020-ci ilin analoji dövrü ilə müqayisədə isə 42,3% artıb.

Təşkilat qeyd edir ki, bitki yağı qiyməti indeksi ötən ay 5,8% artaraq 2012-ci ilin may ayından bəri ən yüksək həddə – 138,8 bəndə çatıb. Artım əsasən xurma, soya və günəbaxan yağının yüksək qiymətlərini əks etdirir. Həm İndoneziya, həm də Malayziyada palma yağı istehsalının güclü yağışlar səbəbindən gözləniləndən daha aşağı olması qiymətləri səkkizillik maksimuma yüksəldib.

FAO-nun süd məhsulları qiyməti indeksi 1%-lik artım göstərərək 96 bəndə bərabər olub. Şəkər qiyməti indeksi isə 8,1% yüksələrək 94,2 bəndə çatıb. Bu 2017-ci ilin may ayından ən yüksək göstərici kimi qeydə alınıb. Artım əsasən zəif qlobal məhsul yığımı ilə bağlı olub.

Mirsəid İbrahimzadə

Digər xəbərlər