Gömrük orqanlarının xidmətinə xitam verilən vəzifəli şəxslərinə müavinət verilməsi qaydası dəyişib

Gömrük orqanlarının xidmətinə xitam verilən vəzifəli şəxslərinə müavinət verilməsi qaydası dəyişib
  • Clock-gray 11:54
  • calendar-gray 29 Dekabr 2020

Gömrük orqanlarının vəzifəli şəxslərinə pul mükafatlarının verilməsi dövlət qulluqçularının mükafatlandırılmasına dair normativ hüquqi aktlarla tənzimlənir.

APA-nın məlumatına görə, bu, Milli Məclisin bu gün keçirilən iclasında üçüncü oxunuşda müzakirə edilən “Gömrük orqanlarında xidmət haqqında” Əsasnaməyə təklif edilən dəyişiklikdə əksini tapıb.

Qüvvədə olan Əsasnaməyə görə, gömrük orqanlarının vəzifəli şəxslərinə gömrük sistemində qüvvədə olan normativ hüquqi aktlara uyğun olaraq pul mükafatları verilə bilər.

Eyni zamanda gömrük orqanlarının vəzifəli şəxslərinin xidmətinə xitam verildikdə, onlara vəzifə maaşının 6 misli məbləğində birdəfəlik müavinət veriləcək və bu məbləğdən vergi tutulmayacaq.

Qüvvədə olan qanuna əsasən isə gömrük orqanlarının vəzifəli şəxslərinin xidmətinə xitam verildikdə, onlara xidmət illərindən asılı olaraq aşağıda göstərilən miqdarda birdəfəlik müavinət verilir;

- 10 ilə qədər - aylıq vəzifə maaşının 5 mislində;

- 10 ildən 15 ilə qədər - aylıq vəzifə maaşının 10 mislində;

- 15 ildən 20 ilə qədər - aylıq vəzifə maaşının 15 mislində;

- 20 ildən yuxarı - aylıq vəzifə maaşının 20 mislində.

Xidmət dövründə dövlət təltifləri olan gömrük orqanlarının vəzifəli şəxslərinə verilən birdəfəlik müavinətin məbləği iki aylıq vəzifə maaşı miqdarında artırılıb.

Qanun layihəsi səsə qoyularaq üçüncü oxunuşda qəbul edilib.

Firuzə Vahid

Digər xəbərlər