Bu ilin 28 fevral tarixində Gürcüstanın Azərbaycana olan borcu 5,54 mln. ABŞ dollarına bərabər olub.
APA-nın yerli bürosu xəbər verir ki, bu barədə Gürcüstan Maliyyə Nazirliyinin hesabatında bildirilib.
Qeyd olunub ki, fevralın 28-nə olan göstəriciyə əsasən Gürcüstanın Azərbaycana borcu ötən ilin eyni dövrü ilə müqayisədə 0,75 mln. dollar və ya 11,9% azdır. Ötən ilin 29 fevralında Gürcüstanın Azərbaycana borcu 6,29 mln. dollar təşkil edib.
Hazırda Gürcüstanın ümumi xarici borcu 7 825 385 min ABŞ dolları təşkil edir. Bunun 7 452 613 min dolları hökumətin, 372 771 min dollar isə Milli Bankının payına düşüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
