Hesablama Palatası Aparatının (Hesablama Palatasının Naxçıvan Muxtar Respublikası üzrə idarəsi istisna olmaqla) 2021-ci il üçün xərclər smetası 9 milyon 140 min 683 manat məbləğində olacaq.
APA-nın məlumatına görə, “Azərbaycan Respublikası Hesablama Palatasının 2021-ci il üçün xərclər smetası haqqında” qanun layihəsi Milli Məclisin bugünkü iclasında üçüncü oxunuşda müzakirəyə çıxarılıb.
Layihəyə əsasən, gələn il əməyin ödənişi üçün 8 milyon 216 min 309 manat, malların satın alınması üçün 588 min 164 manat, sosial ödənişlər üçün 129 min 500 manat, qeyri-maliyyə aktivləri üçün 206 min 710 manat vəsait nəzərdə tutulub.
Qanun layihəsi səsverməyə çıxarılaraq qəbul edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
