Pandemiya səbəbindən 2020-2021-ci illərdə dünya aviaşirkətlərinin itkiləri 157 mlrd. ABŞ dolları təşkil edəcək.
"APA-Economics"in "Reuters"ə istinadən verdiyi məlumata görə, bu barədə Beynəlxalq Hava Nəqliyyatı Assosiasiyasının (IATA) proqnozlarında deyilir.
Proqnozlara görə, bu il hava daşıyıcıları 118,5 mlrd. dollar kəsirlə üzləşəcək, 2021-ci ildə isə onları zərərləri 38,7 mlrd. dollar təşkil edəcək.
Bundan başqa, sərnişin axınının bu il 1,8 milyard olacağı gözlənilir ki, bu da ötən ilə nisbətən 2,7 milyard azdır.