İsveç hökuməti ölkədə nağd pulun istifadəsindən imtina etmək niyyətində olduğunu bildirib və milli valyuta – kronun rəqəmsal analoqunu inkişaf etdirməyə başlayıb.
“APA-Economics”in “Bloomberg”ə istinadən verdiyi məlumata görə, ölkənin maliyyə naziri Per Bolund bu istiqamətdə 2022-ci ilin noyabr ayına qədər tamamlanmalı olan genişmiqyaslı işə başladığını bildirib. Nəticədə, ortaya rəqəmsal kronun çıxacağı gözlənilir.
İsveç hökuməti rəqəmsal valyutanın inkişafına ilk dəfə diqqət yetirmir. Belə ki, ölkənin Mərkəzi Bankı artıq “Accenture” beynəlxalq məsləhət şirkəti ilə birlikdə bunun üzərində müvafiq eksperimentlər aparır.
Qeyd edək ki, 2020-ci ildə İsveçdə nağd pul istifadəsi tarixdə ən aşağı səviyyələrə düşdü. Hazırda ölkədə nağd pul dövriyyəsinin payı cəmi 10% təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
