Lari sürətlə ucuzlaşmağa başlayıb

Lari sürətlə ucuzlaşmağa başlayıb
  • Clock-gray 12:16
  • calendar-gray 03 Noyabr 2020

Gürcüstanın milli valyutası olan larinin ABŞ dollarına qarşı məzənnəsi yenidən sürətlə enməyə başlayıb.

APA-nın yerli bürosu xəbər verir ki, bu gün saat 12:00-da "Bloomberg" ticarət platformasında 1 ABŞ dollarının dəyəri 3,2750 lari təşkil edib. Gürcüstan Milli Bankının ötən gün saat 17:00-da təyin etdiyi rəsmi məzənnəyə əsasən, 1 dollar – 3,2438 lari təşkil edib. Bir həftə öncə isə 1 dollar 3,21 lariyə bərabər idi.

Qeyd edək ki, Gürcüstan Milli Bankı larini qorumaq məqsədilə ötən gün valyuta hərracında 60 mln. dollar satışa çıxarıb. Bu, bazar tənzimləyicisinin cari il ərzində sayca 21-ci və ən irihəcmli xarici valyuta satışı olub. Ümumilikdə, Gürcüstan Milli Bankı 2020-ci ildə ehtiyatlarından 709,650 mln. dollar satıb.

Səid Babazadə

Digər xəbərlər