Milli Depozit Mərkəzinin (MDM) Müşahidə Şurasının iclası keçirilib. İclasın qərarına əsasən Müşahidə Şurasının yeni tərkibi təsdiq edilib.
"APA-Economics"in məlumatına görə, bu barədə MDM-in açıqlamasında deyilir.
Qeyd olunub ki, "Qiymətli kağızlar bazarı haqqında" Azərbaycan Respublikasının Qanununa müvafiq olaraq MDM-in Müşahidə Şurasının tərkibi 5 nəfər olmaqla 2 nəfər Mərkəzi Bankın nümayəndəsi, 2 nəfər Mərkəzi Depozitarın üzvü və 1 müstəqil üzvdən ibarət olmalıdır. Qanuna müvafiq olaraq Mərkəzi Bankın nümayəndələri qismində bankın Baş direktoru Əli Əhmədov – Müşahidə Şurasının sədri, Mərkəzi Bankının Kapital bazarına nəzarət departamentinin direktor müavini, Kapital bazarına nəzarət şöbəsinin rəisi Samir İsmayılov – Müşahidə Şurası sədrinin müavini, Mərkəzi Depozitarın üzvləri qismində isə "Paşa Kapital" investisiya şirkətinin daxili nəzarət üzrə məsul şəxsi Məmmədov Elçin və ABB investisiya şirkətinin icraçı direktoru Babazadə Nadir MDM-in Müşahidə Şurasına üzv olaraq seçiliblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
