"Michelin" 2 mindən çox işçini ixtisar edəcək
-
15:50
-
06 Yanvar 2021
Dünyanın nəhəng şin istehsalçısı olan Fransanın "Michelin" şirkəti 2,3 minə yaxın işçisini ixtisar etməyi planlaşdırır.
"APA-Economics"in xarici mətbuata istinadən verdiyi məlumata görə, şirkət rəhbərliyi strukturları sadələşdirmək və rəqabət qabiliyyətini artırmağı özündə cəmləşdirən planı təsdiqləyib və sözügedən planın icrasını ştatın azaldılması hesabına həyata keçirmək niyyətindədir.
Lakin rəhbərlik eyni zamanda qeyd edib ki, modernləşdirmə planı işçilər və həmkarlar ittifaqları ilə "sosial dialoq əsasında" həyata keçiriləcək və üçillik çərçivə razılaşması üzrə danışıqlar aparılacaq. Bu, həmin müddət ərzində ixtisarlara yol açmayacaq.
"Michelin"in prezidenti Floran Meneqo bildirib ki, ixtisar şirkətin Fransada yerləşən bütün müəssisələrini əhatə etsə də, iş yerlərinin azaldılması işçilərin könüllü getməsi, xüsusən də təqaüdə çıxması əsasında həyata keçiriləcək.
Digər xəbərlər
