Millət vəkili: "Bu gün bank sektorundakı vəziyyət bütün insanları narahat edir"

Millət vəkili: "Bu gün bank sektorundakı vəziyyət bütün insanları narahat edir"
  • Clock-gray 12:10
  • calendar-gray 15 Dekabr 2020

“Bu gün bank sektorundakı vəziyyət bütün insanları narahat edir”.

APA-nın məlumatına görə, bunu Milli Məclisin bu gün keçirilən iclasında deputat, Qüdrət Həsənquliyev deyib.

Deputat bildirib ki, xaricdəki vəsaitlərin bir hissəsinin ölkəyə gətirilməsinin manatın kursuna təsir edə biləcəyini deyirlər: “Bəs ölkəyə investisiya qoymadan inkişafa necə nail olunacaq? Bunun özü göstərir ki, bizdə ciddi anormallıq var. Banklarda faizlər yuxarı olduğuna görə bu gün banklarda 7 milyard sərbəst vəsait qalıb. Ona görə də 10 milyonluq Azərbaycan kimi ölkədə iqtisadiyyata yüz milyardlarla investisiya qoyulmalıdır. Ona görə mən deyirdim ki, dövlət müəssisələri gətirib pulunu yerli banklarda saxlasın. Bu baş vermədiyi, banklara etimad olmadığı üçün bir çox insan vəsaitlini banka qoymur. Sahibkar təfəkkürü fərqli təfəkkürdür. Bizdə Sahibkarlara Yardım Fondu çərçivəsində sahibkarlara müəyyən vəsait verilir. Amma bu, kiçik məbləğdir. Bunu banklarla sahibkarların arasına buraxmaq lazımdır. Sahibkarlar Dövlət Neft Fondunun vəsaitlərindən istifadə etməlidir. Bu dövlətin, xalqın pullarıdır”.

Firuzə Vahid

Digər xəbərlər