"Moody's" Azərbaycanın builki xarici dövlət borcu üzrə proqnozunu dəyişməyib

"Moody
# 18 dekabr 2020 17:40 (UTC +04:00)

"Moody's Investors Service" bu il Azərbaycanın xarici dövlət borcunun ÜDM-ə nisbəti üzrə proqnozunu dəyişməyərək 19,7% səviyyəsində saxlayıb.

"APA-Economics"in "Moody's"ə istinadən verdiyi məlumata görə, bu, ötən ilin faktiki göstəricisi ilə müqayisədə 0,8 faiz bəndi çoxdur.

Qeyd edək ki, 2020-ci ilin yanvarın 1-nə Azərbaycanın xarici dövlət borcu 9,091 mlrd. ABŞ dolları təşkil edib, bu da ÜDM-in 18,9%-nə bərabər idi.

Xatırladaq ki, Dünya Bankı bu il Azərbaycanın xarici dövlət borcunun ÜDM-ə nisbətinin 19,6%, Beynəlxalq Valyuta Fondu – 20,1%, "Fitch Ratings" agentliyinə isə 18,3% təşkil edəcəyini proqnozlaşdırır.

#
#

ƏMƏLİYYAT İCRA OLUNUR