Naxçıvanda sənayenin kreditləşməsi ötən il kəskin artıb

Naxçıvanda sənayenin kreditləşməsi ötən il kəskin artıb
  • Clock-gray 10:30
  • calendar-gray 07 Aprel 2021

Naxçıvan Muxtar Respublikasında sənayenin inkişafı istiqamətində ötən il bank və kredit təşkilatları tərəfindən təsərrüfat subyektlərinə 18,5 mln. manatdan çox kreditlər verilib.

"APA-Economics"in Naxçıvan Dövlət Statistika Komitəsinin hesabatı əsasında apardığı hesablamalarına görə, bu da 2019-cu ildəki göstəricidən 69,6% çoxdur.

2020-ci ildə 325,3 mln. ABŞ dolları dəyərində sənaye məhsulları ixrac olunub ki, bu da bir il öncəki göstəricidən 0,6% çoxdur.

Həyata keçirilən tədbirlərin nəticəsi olaraq 2020-ci ildə sənaye sahəsində 16913 nəfər işçi çalışmışdır ki, bu da 2019-cu ildəki müvafiq göstəricidən 150 nəfər çoxdur.

Bu dövr ərzində bir işçiyə hesablanmış orta aylıq əməkhaqqı 2019-cu ildəki göstəriciyə nisbətən 3,8% artaraq 431,8 manat təşkil edib.

Hüseyn Vəliyev

Digər xəbərlər