Türkiyənin Ticarət naziri Ruhsar Pekcan Türkdilli Dövlətlərin Əməkdaşlıq Şurasına (Türk Şurası) üzv ölkələr arasında yerli valyutalarla ticarəti genişləndirmənin mümkün olduğunu bildirib.
APA-nın "Demirören" xəbər agentliyinə istinadən verdiyi məlumata görə, R. Pekcan deyib ki, milli valyutalarla ticarət beynəlxalq ticarəti asanlaşdırır.
Türk Şurasının COVID-19 pandemiyası dönəmini izlədiyini deyən nazir onu da bildirib ki, pandemiyadan sonra da üzv ölkələr arasında yerli milli valyutalarla ticarətin aparılması iş adamlarının xarici valyuta ilə ticarətindəki problemləri aradan qaldıra bilər.