Parlament Azərbaycanın 2021-ci il üzrə büdcə zərfini ikinci oxunuşda qəbul edib

Parlament Azərbaycanın 2021-ci il üzrə büdcə zərfini ikinci oxunuşda qəbul edib
  • Clock-gray 12:47
  • calendar-gray 28 Dekabr 2020

Milli Məclisin bu gün keçirilən iclasında 2021-ci il üzrə dövlət büdcə zərfi ikinci oxunuşda müzakirəyə çıxarılıb.

APA-nın məlumatına görə, büdcənin təqdimatından sonra müzakirələr olub.

Müzakirələrdən sonra 2021-ci il üzrə dövlət və icmal büdcənin layihələri, eyni zamanda büdcə zərfinə daxil olan layihələr səsverməyə qoyularaq ikinci oxunuşda qəbul edilib.

2021-ci ilin büdcə zərfinə aşağıdakı qanun layihələri daxildir:

- “Azərbaycan Respublikasının 2021-ci il dövlət büdcəsi haqqında” Azərbaycan Respublikası qanununun layihəsi

- “Dövlət Sosial Müdafiə Fondunun 2021-ci il büdcəsi haqqında” Azərbaycan Respublikası qanununun layihəsi

- “İşsizlikdən sığorta fondunun 2021-ci il büdcəsi haqqında” Azərbaycan Respublikası qanununun layihəsi

- “Azərbaycan Respublikasında 2021-ci il üçün yaşayış minimumu haqqında” Azərbaycan Respublikası qanununun layihəsi

- “Azərbaycan Respublikasında 2021-ci il üçün ehtiyac meyarının həddi haqqında” Azərbaycan Respublikası qanununun layihəsi

- “Büdcə sistemi haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi

- “Sosial sığorta haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi

- “Əmək pensiyaları haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi

- “Sosial müavinətlər haqqında” Azərbaycan Respublikasının Qanununda dəyişiklik edilməsi barədə Azərbaycan Respublikası qanununun layihəsi

Qeyd edək ki, 2021-ci il dövlət büdcəsinin gəlirləri 25 427,0 mln. manat nəzərdə tutulur ki, bu da ÜDM-in 33,6%-i həcmində olmaqla, 2020-ci ilin proqnozu ilə müqayisədə 1 303,0 mln. manat və yaxud 5,4%, 2019-cu ilin icra göstəriciləri ilə müqayisədə 1 208,9 mln. manat və yaxud 5% çoxdur.

2021-ci il dövlət büdcəsinin xərcləri isə 28 543,0 mln. manat (ÜDM-də xüsusi çəkisi 37,7%) proqnozlaşdırılır ki, bu da 2020-ci ilə nisbətən 1 050,8 mln. manat və ya 3,8%, 2019-cu ilin icra göstəriciləri ilə müqayisədə isə 4 117,1 mln. manat və ya 16,9% çoxdur.

Firuzə Vahid

Digər xəbərlər