Maliyyə

Ana səhifə

Maliyyə

Postsovet ölkələrinin dövlət borcu üzrə reytinqi - TOP-10

01 mart 2021 17:10 (UTC +04:00)

2021-ci ilin yanvar ayının 1-nə postsovet ölkələri arasında ümumi dövlət borcunun ÜDM-ə nisbəti üzrə ən aşağı göstəricilər Azərbaycan və Rusiyada qeydə alınıb.

"APA-Economics"in ölkələrin maliyyə və statistika nazirliklərinin məlumatları əsasında apardığı hesablamalarına görə, Azərbaycanda məcmu dövlət borcu 9,96 mlrd. ABŞ dolları və ya ÜDM-in 23,4%-ni, Rusiyada isə bu göstərici 256,8 mlrd. dollar və ya ÜDM-in 17,8%-ni təşkil edib.

Qeyd edək ki, sözügedən ölkələr arasında ümumi dövlət borcunun ÜDM-ə ən yüksək nisbəti Qırğızıstanda və Ermənistandadır. Qırğızıstanda dövlət borcu 4,93 mlrd. dollar və ya ÜDM-in 69,9%-ni, Ermənistanda isə ümumi dövlət borcu 2021-ci ilin əvvəlinə 7,43 mlrd. dollar təşkil edib ki, bu da ÜDM-in 63,4%-nə bərabərdir.

"APA-Economics"in postsovet ölkələrinin 2021-ci ilin yanvarın 1-nə olan ümumi dövlət borcunun ÜDM-ə nisbəti üzrə reytinqi:

#	Ölkə	Dövlət borcunun ÜDM-dəki payı, %	Dövlət borcunun həcmi, mlrd. $
1	Rusiya	17,8	256,8
2	Azərbaycan	23,4	9,96
3	Qazaxıstan	29,6	49,5
4	Moldova*	34,3	2,09
5	Belarus	37,3	22,14
6	Özbəkistan	40,4	23,3
7	Ukrayna	56,8	90,26
8	Gürcüstan	60,7	9,39
9	Ermənistan	63,4	7,43
10	Qırğızıstan	69,9	4,93
11	Türkmənistan**	-	-