Bu ilin yanvar-iyul aylarında Rusiya ilə Ukrayna arasında ticarət dövriyyəsinin həcmi əvvəlki ilin eyni dövrü ilə müqayisədə 43,4% azalaraq 4,24 mlrd. ABŞ dolları təşkil edib.
"APA-Economics" xəbər verir ki, bu barədə Rusiyanın Federal Gömrük Xidmətinin məlumatında deyilir.
Hesabat dövründə Rusiyadan Ukraynaya ixrac illik ifadədə 52,1% azalaraq 2,202 mlrd. dollar, Ukraynadan idxal isə 29,3% azalaraq 2,038 mlrd. dollar təşkil edib.
Qeyd edək ki, Ukraynanın Rusiyanın ümumi xarici ticarət dövriyyəsindəki payı ötənilki 2%-dən 1,4%-ə azalıb.