Maliyyə

Ana səhifə

Maliyyə

Türkiyə 6 xarici banka birjada ticarət zamanı qısa mövqelərin açılmasını qadağan edib

06 iyul 2020 16:10 (UTC +04:00)

İstanbul Birjası 6 xarici banka qısa mövqe açmağı qadağan edib.

"APA-Economics"in TASS-a istinadən verdiyi məlumata görə, bu barədə İstanbul Birjasının açıqlamasında deyilir.

İyulun 6-dan etibarən "Barclays", "Credit Suisse" və "Merrill Lynch" kimi bankların İstanbul Birjasında qısamüddətli satışlara qadağa 3 ay, "Goldman Sachs", "JP Morgan" və "Wood and Company"ə isə 1 ay müddətinə ediləcək.

Müvafiq qərar maliyyə əməliyyatlarının tənzimlənməsi sahəsində Türkiyə qanunlarının pozulması ilə əlaqədar qəbul edilib. Belə ki, iyulun 1-də bu banklar digər bazar iştirakçılarını İstanbul Birjasında ticarət zamanı qısa mövqelərin açılması barədə məlumat təqdim etməyiblər.

Qeyd edək ki, qısa mövqe – aktivin dəyərinin azalacağı gözlənilərək qiymətli kağızlar, əmtəə və ya valyutanın satışıdır.