Dünya Bankı bu il yeni növ koronavirus (COVID-19) pandemiyası fonunda Türkiyədə iqtisadiyyatının 3,8% azalacağını proqnozlaşdırır.
"APA-Economics"in Dünya Bankının "Global Economic Prospects: Europe and Central Asia" adlı hesabatının iyun buraxılışına istinadən verdiyi məlumata görə, bankın bundan öncəki yanvar proqnozunda Türkiyə iqtisadiyyatının 3% artacağı göstərilmişdi. 2021-ci ildə isə Türkiyə iqtisadiyyatının bərpa olaraq 5% artacağı proqnozlaşdırılır.
Bankın proqnozuna görə, ÜDM-in azalmasının əsasında ölkəyə investisiyaların davamlı azalması, zəif xarici tələb mühitində və pandemiya ilə bağlı olan məhdudlaşdırıcı tədbirlərin görülməsi səbəbindən ixracın azalması durur.