Türkiyənin qızıl-valyuta ehtiyatları 95 mlrd. dolları ötüb

Türkiyənin qızıl-valyuta ehtiyatları 95 mlrd. dolları ötüb
  • Clock-gray 16:15
  • calendar-gray 11 Fevral 2021

5 fevral tarixinə olan məlumata əsasən, Türkiyə Mərkəzi Bankının ümumi valyuta ehtiyatları 999 mln. ABŞ dolları artaraq 54,366 mlrd. dollara çatıb.

"APA-Economics" "Anadolu" agentliyinə istinadən xəbər verir ki, bu barədə Mərkəzi Bankın dərc etdiyi “Həftəlik pul və bank statistikası” icmalında bildirilir.

Qeyd olunur ki, bankın ümumi valyuta ehtiyatları 29 yanvar tarixində 53,367 mlrd. dollar təşkil edib. Həmin dövrdə qızıl və valyuta ehtiyatları 1,16 mlrd. dollar azalıb – 42,169 mlrd. dollardan 41,153 mlrd. dollaradək.

Beləliklə, Mərkəzi Bankın ümumi qızıl-valyuta ehtiyatları əvvəlki həftəyə nisbətdə 17 mln. dollar azalaraq 95,536 mlrd. dollardan keçən həftə 95,519 mlrd. dollara endi.

Hüseyn Vəliyev

Digər xəbərlər