Bu ilin yanvar-iyul ayları ərzində Azərbaycanla Türkiyə arasında ticarət dövriyyəsi 33% artaraq 2,3 mlrd. ABŞ dollarına çatıb.
"APA-Economics"in məlumatına görə, bunu Bakıda keçirilən Azərbaycan-Türkiyə biznes forumunda çıxış edən Azərbaycanın İqtisadiyyat naziri Şahin Mustafayev deyib.
Onun sözlərinə görə, ötən il ticarət dövriyyəsi 28% artıb və bu göstərici 3,4 mlrd. dolları ötmüşdü.
"Türkiyə Azərbaycanın ikinci ən əsas ticarət tərəfdaşıdır. Hədəfimiz qarşılıqlı ticarət həcmini daha da artırmaq, onun strukturunu şaxələndirməkdən ibarətdir", - deyə nazir bildirib.