Rusiya Daxili İşlər Nazirliyi 2022-ci ildə ölkə vətəndaşlığından 40 nəfərin imtina etdiyini açıqlayıb.
APA-nın Moskva müxbiri Rusiya DİN-in mətbuat xidmətinə istinadən xəbər verir ki, Rusiya vətəndaşlığından çıxmaq könüllülük bəyannaməsi əsasında həyata keçirilir.
Bu ölkədə yaşayan Rusiya vətəndaşları Rusiya vətəndaşlığından çıxmaq üçün yaşadıqları yer üzrə Rusiya Daxili İşlər Nazirliyinin Miqrasiya Bölməsinə, ondan kənarda yaşayanlar isə Rusiya Federasiyasının diplomatik nümayəndəliyinə və ya konsulluğuna müraciət edə bilərlər.
“Ümumi qaydada verilmiş ərizələrə baxılma müddəti bir ildən, sadələşdirilmiş qaydada isə qeyd olunan ərizə və bütün zəruri sənədlərin lazımi qaydada rəsmiləşdirildiyi gündən etibarən üç aydan çox olmayaraq baxılır. Eyni zamanda, Rusiya vətəndaşlığından çıxmaq üçün verilən ərizənin rədd edilməsi üçün əsaslar var. Xüsusilə, bunlara federal qanunla müəyyən edilmiş Rusiya qarşısında yerinə yetirilməmiş öhdəlik, ərizəçinin cinayət işində təqsirləndirilən şəxs qismində cəlb edilməsi və ya ərizəçiyə qarşı qanuni qüvvəyə minmiş və icra edilməli olan məhkəmə hökmü daxildir. Həmçinin, Rusiya vətəndaşlığından çıxmaq üçün ərizənin rədd edilməsi üçün əsaslar ərizəçinin başqa bir dövlətin vətəndaşı olmadığı və ya onun əldə edilməsinə zəmanət olmadığı halda ola bilər”, - məlumatda vurğulanıb.
Bundan əlavə, DİN ötən il 141 mindən çox əcnəbinin Rusiya Federasiyasına girişinə qadağa qoyulduğunu da açıqlayıb. Bildirilib ki, bu göstərici 2021-ci ilin eyni dövrü ilə müqayisədə təxminən 35 min azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
