Belarus prezidenti hökumətin yeni tərkibini təsdiqləyib

Belarus prezidenti hökumətin yeni tərkibini təsdiqləyib
  • Clock-gray 05:20
  • calendar-gray 05 İyun 2020

 

Belarus Prezidenti Aleksandr Lukaşenko hökumətin yeni tərkibini təsdiqləyib. 

APA vesti.ru-ya istinadən xəbər verir ki, müvafiq sənəd ölkənin rəsmi internet portalında yerləşdirilib. 

Sənədə əsasən, yeni hökumət üzvlərinin əksəriyyəti əvvəlki tərkibdə vəzifələr tutub.

Lukaşenkonun bir çox nazirliklərin rəhbərlərini dəyişmədiyi bildirilir: 

- Xarici İşlər naziri Vladimir Makey; 

- Milli Təhlükəsizlik naziri Valeri Vakulçik; 

- Müdafiə naziri Viktor Xrenin; 

- Energetika naziri Viktor Karankeviç.

Qeyd edək ki, bundan əvvəl Belarus prezidenti ölkənin yeni Baş nazirini təyin etmişdi. Yeni Baş nazir əvvəllər Dövlət Hərbi-Sənaye Komitəsinin rəhbəri vəzifəsində çalışan Roman Qolovçenkodur. 

Xatırladaq ki, avqustun 9-da Belarusda Prezident seçkiləri keçiriləcək. 1994-cü ildən bəri Lukaşenko ölkəyə rəhbərlik edir. Hazırda prezidentliyə namizədlər sırasında Aleksandr Qriqoryeviç də var. 

 

Rəşad Sarıyev

Digər xəbərlər