Ermənistan prezidenti Baş nazirin qərarını geri qaytarıb

Ermənistan prezidenti Baş nazirin qərarını geri qaytarıb
# 27 fevral 2021 18:45 (UTC +04:00)

Ermənistan prezidenti Armen Sarkisyan konstitusiya səlahiyyətləri çərçivəsində Silahlı Qüvvələrin Baş Qərargah rəisi Onik Qasparyanın istefaya göndərilməsi barədə qərarı Baş nazirə qaytarıb.

APA “Sputnik Armenia”ya istinadən xəbər verir ki, bu barədə prezidentin mətbuat xidməti məlumat yayıb.

Bildirilib ki, Baş nazirin məlum fərmanı hüquqşünaslar və ekspertlər tərəfindən araşdırılıb və bunun Konstitusiyaya zidd olduğu qərara alınıb.

Qeyd edək ki, Ermənistanın Baş naziri Nikol Paşinyan fevralın 25-də Silahlı Qüvvələrin Baş Qərargah rəisi Onik Qasparyanı vəzifəsindən azad edib. Bununla bağlı qərar verməsi üçün prezidentin 3 gün vaxtı vardı.

#
#

ƏMƏLİYYAT İCRA OLUNUR