İrəvandə Baş nazir Nikol Paşinyan və onun komandasının istefası tələbi ilə keçirilən mitinq hökumət binasının qarşısında başa çatıb.
APA-nın xəbərinə görə, bu barədə TASS məlumat yayıb.
“Daşnaktsütyun” partiyasının idarə heyətinin təmsilçisi İşxan Saqatelyan bildirib ki, bazar ertəsi bütün ölkə boyu itaətsizlik aksiyalarına başlamağı planlaşdırırlar.
***
saat 15:36
Ermənistanın paytaxtı İrəvan şəhərinin Azadlıq meydanında Baş nazir Nikol Paşinyan və onun komandasının istefası tələbi ilə mitinq keçirilir.
APA-nın “news.am”a istinadən verdiyi xəbərə görə, mitinq Ermənistanın “Vətənin Xilası Naminə Hərəkatı”nın təşkilatçılığı ilə baş tutub.