Ermənistanda COVID-19 virusuna yoluxanların sayı 122-yə çatıb.
APA-nın "armenpress"ə istinadən verdiyi xəbərə görə, bu barədə Ermənistanın Səhiyyə Naziri Arsen Torosyan mətbuat konfransında deyib.
"Ermənistanda daha 7 yoluxma halı qeydə alınıb. Bununla da yoluxanların sayı 122-yə çatıb", - deyə nazir bildirib.
***
saat 10:32
Ermənistanda koronavirusa yoluxanların sayı artıb.
APA-nın xəbərinə görə, bu barədə Ermənistan Səhiyyə Nazirliyinin mətbuat katibi Alina Nikoqosyan “Facebook”da bildirib.
O deyib ki, ölkədə daha 5 nəfər koronavirusa yoluxub.
Nazirlik rəsmisi qeyd edib ki, bununla da Ermənistanda koronavirusa yoluxmuş şəxslərin sayı 115-ə çatıb.
Xatırladaq ki, Ermənistanda koronavirus pandemiyası ilə əlaqədar martın 16-dan aprelin 14-ə kimi fövqəladə vəziyyət elan edilib.