Matviyenko: “MDB ölkələri Rusiyanın koronavirusa qarşı peyvəndini əldə edə biləcəklər”

Matviyenko: “MDB ölkələri Rusiyanın koronavirusa qarşı peyvəndini əldə edə biləcəklər”
  • Clock-gray 12:53
  • calendar-gray 27 Noyabr 2020

MDB ölkələri Rusiyanın koronavirusa qarşı peyvəndini Rusiyada kütləvi peyvəndləmə başlayandan sonra birinci əldə edə biləcəklər.

APA-nın Moskva müxbirinin verdiyi məlumata görə, bu barədə Rusiya Federasiya Şurasının sədri Valentina Matviyenko MDB Parlamentlərarası Assambleyası Şurasının iclasında çıxışında bildirib.

“Rusiyada artıq “Sputnik V” və “Epivakkorona” yerli peyvəndləri qeydiyyatdan keçib. Üçüncü peyvənd də yoldadır. Qeyd etmək istəyirəm ki, Rusiyada kütləvi peyvəndləmə başlayandan sonra MDB-dən olan tərəfdaşlarımız Rusiya preparatını ala biləcək ilk ölkələr arasında olacaqlar. Hazırda peyvəndin istehsalının möhkəmləndirilməsi prosesi gedir”, - deyə V. Matviyenko vurğulayıb.

Fərid Əkbərov

Digər xəbərlər