Nikol Paşinyan və ailə üzvləri koronavirusdan sağalıblar

Nikol Paşinyan və ailə üzvləri koronavirusdan sağalıblar
  • Clock-gray 14:41
  • calendar-gray 08 İyun 2020

Ermənistanın Baş naziri Nikol Paşinyan və ailə üzvləri yeni növ koronavirusdan (COVID-19) sağalıblar.

APA-nın Ermənistan mətbuatına istinadən verdiyi xəbərə görə, bu barədə Nikol Paşinyan "Facebook"da bildirib: “Əziz həmvətənlər, ikiqat testimizin nəticələrini aldıq. Hamımızın nəticələri mənfidir. Dünən də nəticələr mənfi idi". 

Nikol Paşinyan əlavə edib ki, o, tam şəkildə işə geri dönür.

Xatırladaq ki, iyunun 1-də Ermənistanın Baş Naziri Nikol Paşinyan “Facebook” səhifəsində koronavirusa yoluxduğunu açıqlayıb. Koronavirus testinin müsbət çıxdığını deyən N. Paşinyan iqamətgahından işləyəcəyini söyləyib.

Zümrüd Paşkin

Digər xəbərlər