Putin: ““Akkuyu” AES Türkiyənin enerji təhlükəsizliyinə ciddi töhfə verəcək"

Putin: ““Akkuyu” AES Türkiyənin enerji təhlükəsizliyinə ciddi töhfə verəcək"
  • Clock-gray 17:10
  • calendar-gray 10 Mart 2021

“Akkuyu” Atom Elektrik Stansiyası (AES) Türkiyənin iqtisadiyyatını daha da gücləndirəcək, enerji təhlükəsizliyinə ciddi töhfə verəcək.

APA-nın xəbərinə görə, bunu Rusiya Prezidenti Vladimir Putin “Akkuyu” AES-in 3-cü blokunun təməlqoyma mərasimində çıxışı zamanı deyib. 

O bildirib ki, AES-də rusiyalı və türkiyəli mütəxəssislərin işi əvvəlcədən müəyyən olunduğu proqram üzrə icra olunur.

V. Putinin sözlərinə görə, hazırda çalışan əməkdaşların sayı 8 mindən çoxdur ki, onların əksəriyyətini də Türkiyə vətəndaşları təşkil edir.

Rusiya Prezidenti 2018-ci ilin aprelində Ərdoğanla 1-ci blokun təməlqoyma mərasimində iştirak etdiyini xatırladıb.

O qeyd edib ki, layihədə iştirak edən heyətin pandemiya şəraitində sağlamlığının qorunması istiqamətində bütün zəruri tədbirlər görülüb. 

apa-logo-mini

Digər xəbərlər