Dünya qlobal çağırışlarla üzləşərkən Rusiya və ABŞ ön sıralarda dayanıb.
APA-nın TASS-a istinadən verdiyi xəbərə görə, bu barədə Rusiya Prezidenti Vladimir Putinin ABŞ Prezidenti Donald Trampa İkinci Dünya müharibəsində Qələbənin 75-ci ildönümü münasibətilə ünvanladığı təbrikdə deyilib.
“İkinci Dünya müharibəsindən sonrakı onilliklərdə yeni təhlükələr - terrorizm və regional münaqişələr, geniş miqyaslı təbii fəlakətlər, texnoloji fəlakətlər və epidemiyalar meydana çıxıb. Dünya qlobal çağırışlarla üzləşərkən Rusiya və ABŞ ön sıralarda dayanıb. Müharibə illərində qurulan əməkdaşlıq ənənələrinə uyğun olaraq, “Elba ruhu”nda hərəkət edərək, ölkələrimiz beynəlxalq təhlükəsizlik və sabitliyin təmin edilməsi üçün çox şey edə bilər”, - deyə Rusiya Prezidenti vurğulayıb.
V. Putin qeyd edib ki, Rusiya antihitler koalisiyasının müttəfiqlərinin ümumi Qələbəyə verdiyi töhfəni hər zaman xatırlayacaq və Sovet-ABŞ hərbi ittifaqını unutmayacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
