Qazaxıstanın paytaxtı Nur-Sultan şəhərində karantin rejimi ilə bağlı əlavə məhdudlaşdırıcı tədbirlər tətbiq edilib.
APA-nın “Kazaxinform”a istinadən verdiyi məlumata görə, COVID-19 virusunun yayılma riskinin azaldılması məqsədi ilə şəhərdə bir sıra məhdudlaşdırıcı tədbirlər görüləcək.
Müvafiq qərarla iyunun 23-dən etibarən şəhərdə bütün uşaq bağçalarının fəaliyyəti dayandırılıb. Çalışan valideynlərdən biri distansiyalı iş rejiminə keçə bilər.
Şəhər poliklinikalarında qəbullar və xəstə müayinəsi də dayandırılıb. Dispanser qeydiyyatda olan xəstələrlə müayinə distansiyalı şəkildə aparılacaq və dərman vasitələri evlərə göndəriləcək.
Bundan başqa, sakinlərdən insanların kütləvi toplaşdığı yerlərə getməmək, ara məsafəsini qorumaq və tibbi maska taxmaq tələb olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
