Rusiya XİN Sandunu Dnestryanı probleminin sülh yolu ilə nizamlanma səylərini pozmaqda günahlandırıb

Rusiya XİN Sandunu Dnestryanı probleminin sülh yolu ilə nizamlanma səylərini pozmaqda günahlandırıb
  • Clock-gray 14:27
  • calendar-gray 27 Noyabr 2020

“Moldovanın yeni Prezidenti Maya Sandunun Dnestryanıdan Rusiya qoşunlarının operativ qrupunu çıxartmaq niyyətində olması sülh yolu ilə nizamlanma səylərini pozmağa istiqamətlənib”.

APA-nın Moskva müxbirinin verdiyi məlumata görə, bunu Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi mətbuat konfransında bildirib.

"Biz bu bəyanata Dnestryanı probleminin sülh yolu ilə nizamlanması səylərini pozmaq məqsədi kimi baxırıq. Sülhməramlı əməliyyatın mandatı orada iştirak müddətimizi münaqişənin həlli ilə bağlı siyasi razılaşma əldə olunana qədər dəqiq göstərir. Hələ buna çox var”, - deyə Rusiya XİN rəsmisi vurğulayıb.

M. Zaxarova Dnestryanı bölgədə Rusiya sülhməramlılarının olması sayəsində 25 ildir sabitliyin qorunub saxlanıldığını və qan tökülmədiyini də qeyd edib.

Fərid Əkbərov

Digər xəbərlər