MDB

Ana səhifə

MDB

Rusiyada COVID-19-un “Britaniya ştammı”nı müəyyən edən ilk test sistemi qeydiyyatdan keçib

15 fevral 2021 10:54 (UTC +04:00)

Rusiyada dünyada yeni növ koronavirus (COVID-19) infeksiyasının “Britaniya ştammı”nı müəyyən edən ilk test sistemi qeydiyyatdan keçirilib.

APA-nın Moskva müxbirinin xəbərinə görə, bu barədə “Rospotrebnadzor” məlumat yayıb.

“Rospotrebnadzor”un Milli Tədqiqat İnstitutunun Epidemiologiya Mərkəzi tərəfindən işlənib hazırlanan və qeydiyyatdan keçirilən yeni test sistemi COVID-19-un “Britaniya ştammı”nın mövcudluğunu tez müəyyən edir.

Qeyd olunub ki, reagentlər toplusu klinik sınağını uğurla başa vurub və Rusiyada istifadə olunmaq üçün qeydiyyatdan keçib. Yeni test sisteminin yüksək dəqiqliyə malik olması mutasiyanın təsdiq olunduğu klinik nümunələr üzərində aparılan sınaqlarla sübut olunub.