Rusiyanın Perm şəhərində atışma baş verib.
APA-nın RİA Novosti-yə istinadən verdiyi xəbərə görə, hadisə səhər saatlarında şəhərin Orconikidze rayonunda qeydə alınıb.
Əvvəllər məhkumluq həyatı yaşamış 50 yaşlı şəhər sakini ov tüfəngi ilə yoldan keçən şəxslərə atəş açıb. Hadisə nəticəsində bir qadın ölüb, bir nəfər xəsarət alıb.
Bundan başqa, o, saxlanılan zaman “Rosqvardiya”ya məxsus avtomobilin sürücüsünə də atəş açıb.
Hadisəni törədən şəxsin sərxoş olduğu bildirilib.
Yaralılar xəstəxanaya yerləşdirilib.
Faktla bağlı cinayət işi başlanılıb.