Rusiyanın Xakasiyad respublikasında fərdi evdə baş verən yanğında ata və iki uşağı ölüb.
APA-nın RİA Novosti-yə istinadən verdiyi xəbərə görə, bu barədə polis məlumat yayıb.
"Noyabrın 22-də saat 23:50 radələrində Xakasiyanın Askiz rayonunun Beltirskoy kəndində fərdi evdə baş verən yanğın 7 yaşlı qız, 3 yaşlı oğlan və onların 42 yaşlı atasının ölümünə səbəb olub", - deyə məlumatda qeyd olunub.
İlkin ehtimala görə, yanğın elektrik naqqillərindəki nasazlığa görə baş verib.
Faktla bağlı cinayət işi başlanıb.