Rusiyanın ABŞ-dakı səfiri Anatoli Antonov məsləhətləşmələr üçün Rusiya Xarici işlər Nazirliyinə çağırılıb.
APA-nın Moskva müxbirinin verdiyi məlumata görə, səfirin XİN-dəki məsləhətləşmələri iki saatdan çox çəkib.
Məsləhətləşmələr bitəndən sonra Anatoli Antonov XİN binasının əsas çıxışında onu mətbuat nümayəndələrinin gözlədiyi zalda görünüb. Lakin o, jurnalistlərə açıqlama verməyərək XİN-in binasını tərk edib.
Qeyd edək ki, ABŞ prezidenti Co Bayden ABC telekanalına müsahibəsində Rusiya prezidenti Vladimir Putini “qatil” və “ruhsuz” adlandırıb. Bundan sonra isə iki ölkə arasında diplomatik qalmaqal yaşanıb. Rusiya ABŞ-dakı səfirini məsləhətləşmələr üçün Moskvaya çağırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
