SSRİ-nin sonuncu müdafiə naziri Şapoşnikov vəfat edib

SSRİ-nin sonuncu müdafiə naziri Şapoşnikov vəfat edib
  • Clock-gray 21:13
  • calendar-gray 08 Dekabr 2020

SSRİ-nin son müdafiə naziri, aviasiya marşalı Yevgeni Şapoşnikov 78 yaşında vəfat edib.

APA “RİA Novosti”yə istinadən xəbər verir ki, bu barədə “Rusiya Hərbi Rəislər Klubu” aparatının rəhbəri Nikolay Deryabin bildirib.

Onun sözlərinə görə, dəfn mərasimi Mıtişi şəhərindəki Federal Hərbi Memorial Qəbiristanlığında keçiriləcək. Keçmiş hərbi xidmət rəhbərinin ölümünün səbəbi barədə məlumat verilmir. "TASS" agentliyinin tibbi dairələrə istinadən verdiyi xəbərə görə, Y.Şapoşnikov koronavirus infeksiyasından dünyasını dəyişib.

Y.Şapoşnikov 1942-ci ildə anadan olub, 1959-cu ildən Sovet Hərbi-Hava Qüvvələrində xidmət edib. 23 avqust tarixindən 26 dekabr 1991-ci il tarixinədək SSRİ Müdafiə naziri vəzifəsində çalışıb, 1992-ci ildə Müstəqil Dövlətlər Birliyinin (MDB) Silahlı Qüvvələrinin Baş Komandanı təyin edilib.

apa-logo-mini

Digər xəbərlər