Gürcüstan ordusunun keçmiş Baş Qərargah rəisi Giorgi Kalandadze Almaniyada saxlanılıb.
APA-nın yerli bürosu xəbər verir ki, bu barədə Gürcüstanın Baş Prokurorluğu məlumat yayıb. Bildirilib ki, Gürcüstan hökumətinin axtarışa verdiyi sabiq general dekabrın 19-da Berlin Hava Limanında saxlanılıb.
2012-ci ildə sabiq Prezident Mixeil Saakaşvilinin dövründə Gürcüstanın Baş Qərargah rəisi olmuş G. Kalandadzeyə qarşı vəzifə səlahiyyətlərindən sui-istifadə, qanunsuz azadlıqdan məhrum etmə və işgəncə faktları üzrə cinayət işi açılıb.
Baş Prokurorluq G. Kalandadzenin ekstradisiyası üçün Almaniyaya müraciət ediləcəyini bildirib.