Gürcüstanda 5 nəfəri öldürməklə ittiham edilərək həbs edilən 85 yaşlı kişinin günahsız olduğu bildirilir.
APA-nın Gürcüstan bürosu xəbər verir ki, bu barədə təqsirləndirilən şəxsin vəkili Giller Endeladze məlumat verib. Bildirib ki, cinayətdə istifadə edilmiş silahda Omar Qamkerelidzenin DNT-sinə rast gəlinməyib. O, O.Qamkrelidzenin yanlışlıqla həbs edildiyini deyib.
Qeyd edək ki, hadisə mayın 3-də Gürcüstanın şərqində yerləşən Kandaura kəndində 85 yaşlı Omar Gamkerelidze oğlunu, gəlinini, həyat yoldaşını və iki qonşusunu öldürməsi ittihamı ilə həbs edilib.
Polis cinayətlə bağlı O.Gamkerelidzenin nəvəsi Nodar Gamkrelidzeni axtarır.