İranda koronavirusun Omicron ştamına yoluxanların sayı 1533 nəfərə çatıb.
APA-nın Tehran bürosunun məlumatına görə, bunu İran Səhiyyə Nazirliyinin şöbə rəisi Əhməd Cüneydi deyib.
O bildirib ki, əgər iki həftəyə kimi sağlamlıq protokollarına düzgün əməl olunmazsa yoluxma pik həddə çatacaq.
Qeyd edək ki, buna qədər İranda 1162 nəfərin Omicron ştamına yoluxması, 3 nəfərin həyatını itirməsi məlum idi.