“Ermənistan” fraksiyasının lideri Seyran Ohanyanın deputat toxunulmazlığının ləğvi ilə bağlı verilən vəsatətlərdən biri keçmiş müdafiə naziri David Tonoyana qarşı irəli sürülən ittihamla əlaqədardır.
APA xəbər verir ki, bu barədə Ermənistanın “Qraparak” nəşri yazıb.
Qeyd olunub ki, sabiq müdafiə naziri Ohanyana qarşı açılan cinayət işlərinin birində o, mənimsəmədə, digərində isə vəzifə borcunu yerinə yetirməməkdə ittiham olunur.
Ohanyanın deputat toxunulmazlığından məhrum edilməsi ilə bağlı Ermənistan Baş Prokurorluğu ölkə parlamentinə üç vəsatət göndərib ki, onlardan biri “məxfi” rejimdə olub.
Sonradan məlum olub ki həmin “məxfi” iş çərçivəsində daha bir sabiq müdafiə naziri David Tonoyan həbs edilib.
Xatırladaq ki, bu ilin 20 yanvar tarixində Ermənistanın baş prokuroru Anna Vardapetyan ölkə parlamentinin spikeri Alen Simonyana “Ermənistan” fraksiyasının rəhbəri və sabiq müdafiə naziri Seyran Ohanyana qarşı cinayət işinin başlanmasına razılıq verilməsi üçün üç vəsatət təqdim etmişdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
