Kremlin mətbuat katibi Dmitri Peskov Çeçenistan rəhbəri Ramzan Kadırovun Rusiya Silahlı Qüvvələrinin generalını tənqid etməsinə münasibət bildirib.
APA-nın Moskva müxbirinin xəbərinə görə, Peskov qeyd edib ki, Kadırov Ukrayndakı xüsusi əməliyyata böyük töhfə verib: “İş ondadır ki, çətin anlarda qiymətləndirmələrdə emosiyalar istisna olunmalıdır”.
Kremlin sözçüsü Kadırovun xüsusi əməliyyatın tərkib hissəsi kimi az gücə malik nüvə silahından istifadə olunmasına çağırışla bağlı dediklərinə isə belə münasibət bildirib: “Doktrinada hər şey yazılıb, başqa mülahizələr ola bilməz”.
Qeyd edək ki, Ramzan Kadırov Ukraynanın Liman şəhəri istiqamətində müdafiəyə rəhbərlik edən Rusiya Silahlı Qüvvələrinin Mərkəzi Hərbi Dairə komandanı, general-polkovnik Aleksandr Lapini sərt şəkildə tənqid edib.