Kremlin sözçüsü Dmitri Peskov Ukrayna Prezidenti Vladimir Zelenskinin Rusiyanın nəzarətində olan ərazilərdə referendum keçiriləcəyi təqdirdə Rusiya-Ukrayna danışıqlarının baş tutmayacağı ilə bağlı sözlərinə münasibət bildirib.
APA-nın Moskva müxbiri xəbər verir ki, Peskov referendumu Rusiyanın keçirmədiyini qeyd deyib.
“Məsələ ondadır ki, region sakinlərinin belə planları var. Referendum keçirən biz deyilik. Burada, görünür, anlamaq lazımdır ki, Zelenski bu bəyanatla kimə müraciət edir - adıçəkilən regionların Ukrayna vətəndaşlarına və ya Rusiya vətəndaşlarına... Əgər Rusiya vətəndaşlarına və rəhbərliyinə müraciət edirsinizsə, onda biz doğru ünvan deyilik. Siz öz vətəndaşlarınıza müraciət etməlisiniz, soruşun ki, niyə onun ölkəsində yaşamaq istəməyənlər çoxdur”, - Kremlin sözçüsü vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
