Kollektiv Təhlükəsizlik Müqaviləsi Təşkilatının (KTMT) Baş katibi İmanqali Tasmaqambetov 9-10 mart tarixlərində Qırğızıstana səfər edəcək.
APA xəbər verir ki, bu barədə KTMT-nin mətbuat katibi Vladimir Zaynetdinov TASS-a bildirib.
Tasmaqambetov Qırğızıstan Prezident Sadır Japarovla da görüşəcək.
Bildirilib ki, səfər zamanı Qırğızıstan xarici işlər naziri Jeenbek Kulubayev, ölkənin Təhlükəsizlik Şurasının katibi Marat İmankulov, həmçinin müdafiə naziri general-leytenant Baktıbek Bekbolotov və Qırğızıstan rəhbərliyi ilə görüşlər nəzərdə tutulub.
Qeyd edək ki, bu, Tasmaqambetovun KTMT Baş katibi kimi Qırğızıstana ilk səfəridir.