Yanvarın 20-də Moskvada Rusiyanın Xarici İşlər Naziri Sergey Lavrov iranlı həmkarı Hüseyn Əmir Abdullahiyanla görüşüb.
APA-nın Moskva müxbirinin Rusiya XİN-ə istinadən verdiyi məlumata görə, görüşdə
İran prezidenti İbrahim Rəisinin Moskvaya ilk səfərinin ikitərəfli əlaqələrin inkişafında yeni səhifə açdığı, iki ölkə arasında çoxşaxəli əməkdaşlığın dərinləşməsi üçün möhkəm zəmin yaratdığı qeyd olunub.
Danışıqlar zamanı, beynəlxalq məsələlərə, Rusiya-İran əməkdaşlığının perspektivlərinə, o cümlədən siyasi dialoqun inkişafı, ticarət-iqtisadi, mədəni-humanitar əməkdaşlıq və birgə layihələrin həyata keçirilməsinə toxunulub.
Nazirlər Əfqanıstan, Suriya, Cənubi Qafqaz və Xəzər hövzəsi də daxil olmaqla regional məsələlər barədə fikir mübadiləsi aparıblar.
Qarşılıqlı maraq doğuran bütün məsələlər üzrə müntəzəm dialoqun davam etdirilməsi razılaşdırılıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
