Putinin Türkiyədə "Akkuyu" AES-in açılışında iştirakının formatı dəqiqləşməyib

Putinin Türkiyədə "Akkuyu" AES-in açılışında iştirakının formatı dəqiqləşməyib
# 30 mart 2023 15:02 (UTC +04:00)

Rusiya Prezidenti Vladimir Putinin Türkiyənin "Akkuyu" Atom Elektrik Stansiyasının (AES) nüvə yanacağı ilə doldurulması mərasimində hansı formatda iştirak edəcəyi müəyyənləşməyib.

APA-nın Moskva müxbiri xəbər verir ki, bunu Kremlin mətbuat katibi Dmitri Peskov bildirib.

O, Putinin aprelin 27-də "Akkuyu" AES-də nüvə yanacağının doldurulması mərasimində iştirakının formatı ilə bağlı dəqiq qərarın hələ qəbul edilmədiyini söyləyib.

Kremlin sözçüsünün sözlərinə görə, aprelin 27-də Akkuyu AES-də nüvə yanacağının doldurulması mərasimində Rusiya tərəfi layiqincə təmsil olunacaq:

"Akkuyu" AES Rusiya-Türkiyə münasibətləri və xüsusilə Türkiyənin enerji sektoru üçün çox mühüm layihədir", - Peskov əlavə edib.

Qeyd edək ki, Türkiyə Prezidenti Rəcəb Tayyib Ərdoğan “A-Haber” kanalına müsahibəsində rusyalı həmkarının 27 apreldə "Akkuyu" Atom Elektrik Stansiyasının açılışında iştirak etmək ehtimalının olduğunu söyləyib.

#
#

ƏMƏLİYYAT İCRA OLUNUR