Putinlə Əsəd arasında telefon danışığı olub

Putinlə Əsəd arasında telefon danışığı olub
  • Clock-gray 00:08
  • calendar-gray 23 Oktyabr 2019


Rusiya və Suriya prezidentləri Vladimir Putin və Bəşər Əsəd arasında telefon danışığı olub. 

APA-nın Moskva müxbirinin Kremlin mətbuat xidmətinə istinadən verdiyi məlumata görə, Putin Əsədi Soçidə Türkiyə Prezidenti Rəcəb Tayyib Ərdoğanla keçirdiyi görüşün yekunları barədə məlumatlandırıb.

Rusiya prezidenti telefon danışığı zamanı Suriyanın ərazi bütövlüyünün bərpa olunmasının əsas vəzifə olduğunu söyləyib.

Bəşər Əsəd isə qəbul olunmuş qərarları dəstəklədiyini söyləyib. Suriya Prezidenti Vladimir Putinə təşəkkürünü bildirərək Suriya sərhədçilərinin rusiyalı hərbi polislərlə birlikdə Suriya-Türkiyə sərhədinə çıxmağa hazır olduğunu vurğulayıb.

Qeyd edək ki, bu gün Soçi şəhərində Türkiyə və Rusiya prezidentləri -  Rəcəb Tayyip Ərdoğan və Vladimir Putin arasında Suriya münaqişəsinin nizamlanması ilə bağlı  6 saatdan çox danışıqlar keçirilib. Danışıqların yekunu ilə bağlı Putin və Ərdoğan birgə mətbuat konfransı keçiriblər. Danışıqların yekunu ilə bağlı birgə Memorandum qəbul olunub.  Memoranduma əsasən, Türkiyə və Rusiya hərbçiləri Suriyanın şimal hissəsində birgə patrul xidməti aparacaqlar.
 

Fərid Əkbərov

Digər xəbərlər

Arxiv

date