İğtişaşlar nəticəsində ölkənin müxtəlif bölgələrində 2265 nəfər tibbi yardım üçün müraciət edib.
APA bildirir ki, bu barədə ölkənin “Xəbər-24” telekanalı xəbər verir.
Müraciət edənlər ən çox Almatı şəhərində olub - 1100 nəfər. Alma-Ata vilayətində 300-ə yaxın, Jambil və Qızılorda vilayətlərində isə 200 nəfər tibbi yardım istəyib.
Telekanalı xəbər verir ki, 719 xəstə stasionar şəraitdə müalicə alır.
***
Saat 15:54
Qazaxıstanda iğtişaşlar zamanı 164 nəfər insan həlak olub.
APA bildirir ki, bu barədə ölkənin “Xəbər-24” telekanalı Səhiyyə Nazirliyinə istinadən məlumat yayıb.
Səhiyyə Nazirliyinin məlumatına görə, yanvar ayında Qazaxıstanda iğtişaşlar başlayandan bəri Almatı şəhərində 103 nəfər ölüb. Qızılorda vilayətində - 21 nəfər, Jambil vilayətində - 10 nəfər, Alma-Ata bölgəsində isə səkkiz nəfər ölüb.