“Qazprom” şənbə günü Finlandiyanın dövlət enerji şirkəti “Gasum”a rublla ödəniş edilməməsi səbəbindən qazın tədarükünün tamamilə dayandırıldığını təsdiqləyib.
“APA-Economics” TASS-a istinadən xəbər verir ki, bu barədə holdinqin məlumatında deyilir.
“Qazprom” rublla ödəniş edilmədiyinə görə “Gasum”a qaz nəqlini tamamilə dayandırıb. Rusiya Federasiyası Prezidentinin 31 mart 2022-ci il tarixli, 172 nömrəli Fərmanına uyğun olaraq, mayın 20-də iş gününün sonuna olan məlumata görə, “Qazprom Eksport” şirkəti aprel ayında “Gasum”dan qaz tədarükü üçün ödəniş almayıb”, - məlumatda bildirilir.
Qeyd olunur ki, 2021-ci ildə “Qazprom Export” “Gasum”a 1,49 mlrd. kubmetr qaz tədarük edib ki, bu da Finlandiyada ümumi qaz istehlakının 2/3 hissəsini təşkil edib.
“Aprelin 1-dən verilən qaza görə ödənişlər yeni rekvizitlərdən istifadə edilməklə rublla aparılmalıdır, bu barədə qarşı tərəflər vaxtında məlumatlandırılıb”, - Rusiya holdinqinin məlumatında vurğulanır.
***
09:45
Finlandiyanın “Gasgrid Finland” şirkəti Rusiyadan qaz nəqlini dayandırdığını açıqlayıb.
“APA-Economics” TASS-a istinadən xəbər verir ki, bu barədə operatorun yaydığı məlumatda bildirilir.
“İmatra” giriş məntəqəsi vasitəsilə qaz tədarükü 21 may 2022-ci il tarixində dayandırıldı. Finlandiya qaz bazarının tələb olunan qazın həcmi bazar iştirakçıları tərəfindən edilən müraciətlərə uyğun olaraq “Balticconnector” giriş məntəqəsi vasitəsilə Finlandiya qaz sisteminə idxal olunur", - məlumatda qeyd olunur.
Hazırda ölkənin qaz sistemi stabildir.
Xatırladaq ki, bundan əvvəl bildirilib ki, “Qazprom Export” şənbə günü, mayın 21-də, Moskva vaxtı ilə saat 07:00-dan etibarən Finlandiyanın “Gasum” dövlət enerji şirkəti ilə müqavilə əsasında Rusiya qazının tədarükünü dayandırır. Buna səbəb Finlandiyanın aprel ayında verdiyi qazın pulunu ödəməməsi və ödənişləri rublla etməkdən imtina etməsidir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
